Góð tíðindi fyrir Suðurnesjamenn.

Má til að leggja orð í belg. Sé að hér fara umhverfissinnar yfirum yfir þessarri frétt. Ég hef nú talið mig umhverfissinna en ég er á jörðinni. Við notum umhverfisvæna orku meðan margar þjóðir nota kol og olíu til orkuöflunar. Og við tölum um að heimurinn sé eitt í umhverfismálum..Svo ekki fara á límingunum..Við eru best í þessu.

Góð tíðindi fyrir Reykjanesbæ

Athugasemdir

[Andrés Kristjánsson, 30.10.2009 kl. 19:34]

Kol-orkufyritækin kvarta yfir því að ódýr orka geri það að verkum að þeir geti ekki farið í að jarða co2 útblástur og þar með minnkað co2 útblástur, vegna þess að þá yrðu þeir ósamkeppnishæfir. Ef við hættum ekki að gefa orkuna okkar þá getum við ekki sagt að við séum að stuðla að grænni þróun.

Reyndar er ég fyrst og fremst að hafna þeirri þróun að við endum sem álnýlenda þar sem orkan okkar sé nýtt fyrir álherra.

kveðja

[Sigurbjörg Eiríksdóttir, 30.10.2009 kl. 19:43]

Held nú Andrés að við höfum mest upp úr þessu sjálf..Hvort og hvað álherrar hafa, veit ég svo sem ekki.

[Loftur Altice Þorsteinsson, 30.10.2009 kl. 20:23]

Ég samfagna þér Sigurbjörg, að Skipulagsstofnun er aftur búin að komast að sömu niðurstöðu og áður. Hins vegar situr Svandís Svavarsdóttir ennþá í stól Umhverfisráðherra og það í boði Samfylkingar.

 

Árni Sigfússon bendir á, að hægt er að kæra úrskurðinn til 04.desember. Varla dettur nokkrum í hug, að Svandís fái ekki einhvern vina sinna í VG til að kæra. Hver verður síðan úrskurður hennar. Ætli við ættum ekki að draga úr fagnaði okkar Sigurbjörg ?

[Sigurbjörg Eiríksdóttir, 30.10.2009 kl. 20:26]

Jú sennilega Loftur. En samt er þetta skref í rétta átt. Við erum náttúruleg ósátt yfirhöfuð með yfirstjórn landsins.

[Sigurbjörg Eiríksdóttir, 30.10.2009 kl. 20:31]

Já Loftur í boði Samfylkingar! Viðurkenni hér með sekt mína. Var það ekki það sem þú varst að biðja um? ;)

[Rauða Ljónið, 30.10.2009 kl. 20:32]

Sæl. Sigurbjörg til hamingju svo aðrir á Suðurnesjum.

Kv. Sigurjón Vigfússon

[Sigurbjörg Eiríksdóttir, 30.10.2009 kl. 20:36]

Kærar þakkir bloggvinur Sigurjón! En eins og Loftur vinur okkar segir = Ekki er sopið kálið fyrr en í ausuna er komið!!

[Heimir Lárusson Fjeldsted, 30.10.2009 kl. 21:05]

Til hamingju Silla og aðrir Suðurnesjamenn.

[Sigurbjörg Eiríksdóttir, 30.10.2009 kl. 21:28]

Vona að hamingjuóskirnar nægj..En ekki er allt komið enn..Vonum það besta!

[Andrés Kristjánsson, 30.10.2009 kl. 22:24]

Gaman hvað allir eru ánægðir...er semsagt búið að fjármagna orkuna, ekki sagt. Svar óskast!

Rauða ljónið; we meet again.

kveðja

[Axel Jóhann Hallgrímsson, 30.10.2009 kl. 23:03]

Það sökk skip á Kyrrahafinu, áhöfnin komst í björgunarbátinn. Þar velktust þeir vikum saman. Allt vatn var búið og mennirnir liðu kvalir í steikjandi hitanum, þeirra beið dauðinn.

Einn mannanna í bátnum hafði á orði að þetta væri öfgafengið, að það væru milljónir tonna af vatni allt í kringum þá - en ekki dropi til drykkjar.

Þannig er stefna öfgaumhverfisverndarsinna, bjargráðið er þarna en það má bara horfa - ekki snerta, vita -  ekki nota, þreifa -  ekki njóta.

[Andrés Kristjánsson, 30.10.2009 kl. 23:59]

Þegar ég spyr um orku og fjármögnun þá vill ég svar. Selur Axel orku?

[Sólveig Þóra Jónsdóttir, 31.10.2009 kl. 01:21]

Þetta eru góð tíðindi fyrir alla landsmenn líka. Okkur voru gefnar þessar auðlindir okkar til að nýta þær. Þjóðarbúið er fjárvana og við þurfum að nýta okkur allar þær auðlindir sem við eigum innan skynsamlegra marka ekki veitir af, áður var þörf nú er nauðsyn. Við eigum að lifa af landinu en landið ekki af okkur.

[Loftur Altice Þorsteinsson, 31.10.2009 kl. 11:51]

Sigurbjörg, því miður var ég sannspár.

Árni Finnsson, formaður Náttúruverndarsamtaka Íslands, segir ekki annað koma til greina en að kæra ákvörðunina.

Það verður gert með sömu rökum og áður, þ.e. til að allar upplýsingar um áhrif framkvæmdanna komi fram þurfi að meta þetta sameiginlega.

http://mbl.is/mm/frettir/innlent/2009/10/30/kaera_akvordun_skipulagsstofnunar/

[Sigurbjörg Eiríksdóttir, 31.10.2009 kl. 12:14]

Já satt segir þú Loftur. En nú er skipulagsstofnun búin að komast tvisvar að sömu niðurstöðu. Ættu þá ekki að aukast líkurnar á því að þetta hafist?