Óþolandi.

Það liggur líklega í augum uppi að um íkveikju sé að ræða. Þarna er búið að rækta upp landið og það orðið gróið og fallegt..Er ekki eitthvað hægt að gera til að sporna við svona óeðli? Þarf ekki að verða meiri umræða í fjölmiðlum og herferð gegn þessu..eða myndi það hafa öfug áhrif? Það er ekki nóg með að landið brenni vegna útrásarvíkinga heldur brennur lika vegna varga sem eyðileggja það sem maður hélt að yrði ekki tekið frá okkur.

Fimm hektarar brunnu í Seldal

Athugasemdir

[Gunnur (IP-tala skráð) 28.3.2010 kl. 09:26]

Þetta eru skemmd eintök íslendinga sem gera svona lagað. Alveg óþolandi.

Gunnur

[Rosebud (IP-tala skráð) 28.3.2010 kl. 09:49]

Best að ræða þetta sem minnst í fjölmiðlum. Það eykur bara spenninginn hjá svona "copycats".

[Þórarinn Baldursson, 28.3.2010 kl. 10:45]

Það þarf að ala börnin upp við aga og koma því inn hjá þeim að virða eigur annara,það er first og fremst virðingarleisi fyrir annara eigum sem valda svona atburðum.

[Sigurbjörg Eiríksdóttir, 28.3.2010 kl. 10:56]

Já það er það..Einhver brotalöm í uppeldinu hjá okkur.

[Guðjón Sigþór Jensson, 28.3.2010 kl. 12:45]

Fyrir um 30 árum voru „brennuvargar“ á ferð á sömu slóðum og ollu óbætanlegu tjóni. Í ljós kom að nokkrir krakkar voru þar á ferð. Nokkru síðar brenndu fermingarkrakkar skátahúsinu og skógarlundinum sem var við austanvert Hafravatn. Nú eftir áramótin voru brennuvargar einnig á ferð á svipuðum slóðum og lögðu eld í hús í eigu Skógræktarfélags Mosfellsbæjar.

Hvað á að gera við svona rumpulýð? Það þýðir lítið að reyna að fá bætur úr hendi þessa fólks enda það oft búið að eyða um efni fram rétt eins og aðrior brennuvargar í okkar samfélagi: útrásarvíkingarnir sem skildu allt eftir í rjúkandi rústum.

Hér reynir á samstarf og fyrirhyggju. Ná þarf í þessa afvegaleiddu aðila þó ekki væri nema að koma í veg fyrir að þeir skaði samfélagið meira en orðið er.

Mosi 

[Axel Jóhann Hallgrímsson, 28.3.2010 kl. 14:42]

Sorglegt.

[Valdís Skúladóttir, 29.3.2010 kl. 14:52]

Já þetta er sorglegt.