Erum við að ná botninum?

Það var gott að lesa þetta. Kannski að við förum að sjá til lands. Auðvitað er þetta tengt ferðaþjónustunni sem kemur einna skást út úr hruninu. En þetta eykur aðeins bjartsýnina. Þetta þýðir þá líklega að starfsfólk á jörðu niðri heldur frekar störfum sínum. Þar hefur allt dregist frekar saman..Ég hef kannski meiri tilfinningu fyrir þessum störfum vegna vinnu minnar hjá Flugleiðum og síðan IGS í hátt í tvo áratugi. Vona svo sannarlega að fólkið á mínum gamla vinnustað haldi vinnunni.

Draga 24 uppsagnir til baka

Uppsögn.

Ég sé eftir Ólafi. Mér fannst hann færa Moggann á það plan sem við lesendur og bloggarar vorum ánægð með. Ég var umboðsmaður í mörg ár og fékk það í mitt fang að útbreiða Morgunblaðið..Og það tókst svona allavega. En mbl.is hefur náð útbreiðslu og ef það verður heft á einhvern veg..þá er mogginn búinn að vera..En gangi Ólafi allt í haginn.

Ólafur kvaddi starfsmenn Morgunblaðsins

Mikið er ég sammála Högna Hoydal.

Eins og alltaf reynast Færeyingar bestu vinir okkar..Bæði í orði og á borði. Þetta er rétt hjá honum. Skandall að norðurlandaþjóðirnar bíði eftir AGS dæminu..Erum við ekki saman í bandalagi? Gott hjá honum að láta heyra í sér. Takk Högni.

Høgni Hoydal gagnrýnir Norðurlöndin

Gott mál

Mikið er gott að heyra einhverjar jákvæðar fréttir. Ég var orðin svo leið á þessu eilífa tali um allt sem hefur farið miður í þjóðfélaginu og það er margt. Ég lokaði blogginu mínu fyrir nokkru og var ákveðin í að skipta mér ekkert af umræðunni. EN eitthvað togar í mig..Alltaf verið fréttafíkill og fylgst með..Það er víst ekki ástæða til að hætta að hafa skoðanir þó útlitið sé ekki gott..nema síður sé. Og reynum bara að selja skyrið okkar sem víðast...Ég þekki marga Bandaríkjamenn sem eru ofurhrifnir af skyrinu okkar.

Skyr slær í gegn í Noregi