HANDARBAKAVINNUBRÖGÐ.

 Ég á ekki orð um þetta..Þó ætla ég að reyna að segja nokkur! Eru stjórnvöld að ganga af göflunum. Í Keflavík eru komnar toppskurðstofur. Þær voru þó rétt orðnar að veruleika eftir safnanir og samstöðu þegar þeim var lokað. Við íbúarnir á svæðinu vonuðum að þetta væri tímabundin lokun..Nei nei nú stendur til að rífa þær niður   Á meðan myglusveppur leikur um LHS á að rífa niður splunkunýja aðstöðu á HSS. Ég held að yfirvöld heilbrigðismála ættu að líta til nágrannalandanna t.d Danmerkur þar sem viss starfsemi fer fram á mismunandi stöðum. Það eru nú aðeins 40 kílómetrar milli Reykjavíkur og Keflavíkur. Það fá allavega fæðandi konur að heyra. Ég ætla rétt að vona að þetta stolt sveitarstjórnarmanna á Reykjanesskaganum sem þessar skurðstofur voru þegar þær voru gerðar fái að vera og þjóna landsmönnum á ný.

Nýjar skurðstofur líklega rifnar niður

SKELFILEGT

Skyldu Bandaríkjamenn ekki í alvöru fara að skoða vopnalöggjöfina hjá sér!!!!
Hugurinn er í vestri. Skelfilegt að heyra og lesa þetta!

27 féllu í skotárás í Bandaríkjum

Áfengi getur verið mikið böl.

Ég vona að unga konan sem lenti í þessu slysi nái sér. En því er aldrei hampað of mikið að áfengi og akstur fer ekki saman og er mikið böl. Sendi aðstandendum mínar bestu óskir.

Á gjörgæslu eftir bílveltu

Ævintýri

Það er gaman að lesa um afreksfólkið sem við 300 þúsund manna þjóðin á. En í morgun var ég að hlusta á Rás 2 og þar var verið að segja frá fyrsta Ólympíufaranum sem er alinn upp í SOS barnaþorpi. Adeline heitir hún og það verður gaman að fylgjast með þessari hlaupadrottningu frá Nigeríu. Hún er einnig talandi á fjölda tungumála, bráðvel gefin og þeir sem styrkja SOS geta verið hreyknir og glaðir!

„Hefur verið mikið ævintýri“

Ónotalegt

,,Út frá öryggissjónarmiðum þá skýtur það skökku við að leitað sé í þaula á farþegum annars vegar og hins vegar komist menn yfir girðingu um borð í flugvél,, Þetta segir Ögmundur og þetta er rétt. Mikill fjöldi fólks leitar innanhúss og rekur fólk úr skóm og jafnvel þuklar sundur og saman :) Það er eitthvað spúkí við að þetta geti gerst. Greinilega þarf að vakta myndavélarnar við girðinguna betur. Ónotalegt að hugsa til þess ef tilgangur manna hefði verið annar og verri en að flýja.

Vill gagngera endurskoðun

Eini atvinnuvegurinn sem er í vexti?

Á meðan meginhluti atvinnulífsins er í frosti er gott að ylja sér við svona fréttir. En þetta dugar samt ekki fyrir meirihluta landsmanna. Ég bý á Suðurnesjum og atvinnuástandið er vægast sagt hrikalegt.

Sólgnir í íslensk ævintýri

Skemmtilegt

Mér líst sko vel á þessa hugmynd..Sterkar flottar vélar. Fyrsta flugvélin sem ég flaug með er ég flutti til Vestmannaeyja 1972.

Þristinum breytt í farþegavél

Einkennileg uppsögn.

Segir ekki upphæðin til um hversu ólögmæt þessi aðför hefur verið? Ég bara spyr sem fávís kona. Stórfurðulegt og til vansa fyrir Sveitarfélagið Garð.

Kostnaðarsöm starfslok skólastjóra

Bara fínt

Var það ekki bara ágætt að sleppa einni snobbmáltíðinni. Betra að vera í Suðaustur Asíu í góða veðrinu og ræða hreina orku! Svo er Dorrit svo flott að hún hefur meikað kvöldverðinn ein og sér. Alltaf jafn glæsileg..Og sjáiði hattinn hennar á myndinni!

Þurfti að sleppa hátíðarkvöldverði til að mæta á heimsþing

Iceland

Ég vona svo sannarlega að allir komist til ástvina sinna um þessi jól. Veðrið hefur verið görótt undanfarið..Sýnist veturinn byrja snemma.

Best að ferðast á Þorláksmessu